O itinerario ben pode comezar ao sur cun dos máis fermosos enclaves turísticos da Costa Brava. Trátase de Sant Feliu de Guixols, onde se pode gozar da praia nun contexto de natureza abrupta. O seu paseo marítimo é toda unha delicia. 

Imprescindíbel é a visita ao seu conxunto arquitectónico encabezado polo Mosteiro románico de Sant Peres de Rodes, que foi un dos máis importantes e poderosos da orde beneditina. O conxunto intégrano dúas torres e a Porta Ferrada, do século X. Se o tempo o permite, haberá que dar conta do seu Museo Municipal, as súas torres, o Mercado Cubierto ou El Arco de Sant Benet.

Haberá que desprazarse un pouco cara o interior para dar con Santa Cristina d’Aro. Aquí o maior interese acapárao o núcleo románico de Romanyà, entre o que salienta especialmente a igrexa prerrománica de Sant Martí, tanto pola súa peculiar estrutura como polo conxunto de elementos que a forman.

Vólvese despois á costa para visitar tal vez o centro por excelencia da Costa Brava. Platja d’Aro, é famosa pola súa actividade comercial e pola súa rede de aloxamentos, tendas, pubs e terrazas que rodean a praia, principalmente na súa gran avenida. O seu fino areal está poboado día e noite. Castell d’Aro ofrece en contraposición unha imaxe tradicional e medieval que resiste a explosión turística.

Outra vila importante é Palamós, cuxa actividade mariñeira é unha tradición tal que hoxe en día segue sendo unha capital pesqueira. Conta co porto máis importante da provincia de Girona e é polo tanto o lugar ideal para empaparse das súas tradicións nun tranquilo ambiente.

A dualidade de toda a comarca queda patente nos municipios de Calonge e Sant Antoni. O primeiro sitúase ao interior e nel salienta a súa fortaleza medieval. Sant Antoni en cambio sitúase en primeira liña de costa e fai gala dun extenso e pracenteiro paseo marítimo, así como de múltiples e caprichosas calas. 

Aínda que para calas, a zona costeira do municipio de Mont-Ras que conta coa resgardada Cala del Crit, dunha beleza especial. Ou as de Palafrugell; Calella, Llafranc e Tamariu. A primeira albergou na antigüidade a unha vila de pescadores e configúrase hoxe en día como unha das máis solicitadas da Costa Brava. Salientan en ambas localidades os seus camiños de rolda, que bordean o litoral sen perder de vista o mar.

Seguindo cara o norte polo interior atópase Forallac, formado por un conxunto de vilas con zonas medievais, entre as que salienta Peratallada. Esta vila presenta a estampa medieval típica coas súas rúas de pedra irregulares dentro dun recinto amurallado e coroado pola torre mestra do castelo. 

O percorrido cultural segue na capital da comarca e da cerámica. En La Bisbal D’Empordà salienta esta produción artesá como amosan as tendas que poboan o Carrer de l’Aigüeta, as fábricas de cerámica e o Museo Terracota.

De volta á acantilada e salvaxe costa, chégase a Begur, onde haberá que visitar o Castillo e a colonial Casa de los Americanos. Tampouco convén perderse os seus camiños de rolda e calas entre acantilados como Sa Riera, Sa Tuna e Aiguablava. Próximo atópase a vila gótica de Pals, que se alza no alto dun outeiro conservando o trazado medieval. O seu interese monumental está xustificado nas súas canellas, torres e outros edificios.

O itinerario leva por fin á señorial Torroella de Montgrí, no seu extremo norte, con xoias monumentais como La Torre de Bruixes, El Castillo, o portal de Santa Ceterina ou o Mirador. Próxima atópase un dous máis fermosos recunchos da Costa Brava. É a torre-masía de L’estartit, que desafía a forza do mar desde un acantilado.

A localidade tamén recibe ao visitante co parque natural das Islas Medes, integrado por dúas pequenas illas e por un conxunto de pequenos illotes e escollos. A súa parte somerxida xerou complexos ecosistemas que fan dela todo un reclamo para submarinistas. 

Consell Comarcal del Baix Empordà
Tarongers, 12 - 17100 (La Bisbal d'Empordà)
Tel: 972 642 310 
turisme@ccbm.org
http://www.baixemporda-costabrava.org