Esta dinámica localidade é a capital do turismo na rexión. A súa poboación é nova, especialmente en verán e o seu desenvolvemento urbanístico é moderno, grazas á explosión turística, que transformou a cidade a redor da súa xubilosa vida nocturna e sobre todo a súa praia. Os máis de 4 quilómetros de areal que responde ao nome de A Lanzada, divídense entre O Grove e Sanxenxo, sendo un dos máis visitados de Galicia. Conta cun santuario ao que algunhas lendas lle atribúen influencia na fertilidade.

Centro do turismo náutico é o porto, que ofrece posibilidades de fondeo especialmente para naves de pouco calado. Estas comparten o espazo coas pequenas embarcacións de pesca que pescan no interior da ría. Dó seu humilde pasado pesqueiro queda pegada no barrio dos pescadores, así como nas súas aforas. O mesmo sucede con Portonovo, vila mariñeira próxima de similares características. O tipismo do seu porto fai deste un dos recunchos con maior encanto das Rías Baixas.

Pero Sanxenxo non é o único precioso enclave desta rexión. Cara Pontevedra, bordeando a península do Morrazo, hai recónditos lugares como as enseadas de San Simón, Aldán, Bueu e o cruceiro de Hío. A un paso da capital está Combarro cun dos mellores conxuntos de ‘hórreos’ e ‘cruceiros’ da comunidade. Trátase respectivamente de celeiros e cruces de pedra sobre un piar, típicos galegas. Preto está o Mosteiro de Poio e máis arriba o de Armenteira, ambos edificios de lenda.

Dentro do marabilloso entorno das Rías Baixas, atópase unha das paisaxes máis incríbeis que a simbiose de terra e mar poida ofrecer. Este Parque Natural pontevedrés aglutina as Illas Cíes e as illas de Ons, Cortegada e Sálvora. Estes catro grupos de illas rochosas sitúanse no estuario das rías ofrecendo unha cara salvaxe e acantilada ao oeste, que mira cara o Atlántico. Non obstante cara o interior e as rías, o panorama suavízase con fermosas praias e dunas. 

Tal riqueza ecolóxica é apreciada polas colonias de aves mariñas que poboan estes arquipélagos. Salienta a gaivota patiamarela con 35.000 parellas reprodutoras e o corvo mariño cristado con máis de 1.000 parellas. Tamén son de relevancia os fondos mariños pola súa biodiversidade, tanto en peixes, moluscos e crustáceos, como en bosques de algas, así como a presenza de varias especies de golfiños. Ademais, a illa de Cortegada alberga o maior bosque de loureiro de Europa. 

Este santuario natural debe ser preservado e por isto o tráfico marítimo ata as maxestosas Illas Cíes está restrinxido a 2.200 persoas por día. Igualmente, o único sitio onde durmir é un camping con capacidade para 800 prazas. Paseando polos seus sendeiros descóbrense máxicos areais, covas e acantilados, pero o paradisíaco do entorno non é óbice para realizar un pouco de turismo cultural, como unha vista ao poboado prerromano das Cíes.

A oferta gastronómica das Rías Baixas é case inesgotábel, bendicida por materias primas de mar e terra. Todo un embaixador é o seu marisco, pero sen desmerecer carnes e peixes, que sempre espertarán máis o apetito regados cun bo Albariño. O frío inverno é combatido con outras beberaxes como a augardente e a queimada. En verán, as feiras e festas gastronómicas inundan as vilas da zona, sendo unha excelente ocasión para probar o mostrario da cociña rexional. Destaca entre estes eventos, a Feira do Albariño, en Cambados, declarada de Interese Turístico Nacional.