A visita á cidade de Salamanca pode enfocarse como unha estancia tranquila, gozando de eternos paseos entre as súas monumentais rúas, para repousar corpo e mente. Como terra de contrastes que se preza de selo, tamén ofrece o lado anverso da moeda. Todo un elenco de actividades para liberar adrenalina, esquecerse do estrés e caer redondo na cama. A aventura agarda en cada recuncho, porque Salamanca ten de todo. Un río que ofrece tramos de furia e de calma para practicar o piragüismo, escarpadas ladeiras polas que se descolgar, pasos habilitados para o uso de bicicletas e un longo etcétera súmanse ás virtudes da urbe

Embarcarse nunha aventura polo río Tormes permite ao visitante gozar doutra óptica da cidade. Este salmantino leito fluvial é navegábel con piragua nun gran tramo, o comprendido desde El Barco de Ávila (na provincia homónima) ata Alba de Tormes, xa en Salamanca. A ruta non entraña complicación ningunha para os principiantes, cuxo único requisito para se embarcar será o de saber nadar, tal e como anuncia a axencia organizadora. O percorrido é dunha gran beleza, permitindo ao piragüista gozar da paisaxe. Non convén se relaxar, porque tamén agocha unhas cantas sorpresas emocionantes, aínda que non difíciles de salvar. 

Durante o itinerario atravésanse as lagoas de Solana e Becedas, remansos de paz onde se poden admirar fermosas paisaxes naturais, rodeadas de freixos e carballos. Seguindo o transcurso do río, chégase ao embalse de Santa Teresa, para pouco despois acadar Alba de Torres, localidade famosa por ser a vila dos Duques de Alba, de cuxo castelo só queda en pé unha torre. Nos terreos da vila repousan os restos de Santa Teresa de Xesús. O río segue o seu curso ata Capio Bernardo e Cilloruelo, pouco antes de internarse en Salamanca. 

A excursión pode realizarse nunha xornada e está dispoñible todo o año, tanto en inverno como en verán, tanto só en piragua individual como acompañado, nunha embarcación dobre. 

Salas Bajas é un complexo polideportivo ao ar libre que consta de dúas pistas polideportivas con solo de resina sintética, catro pistas de tenis, campo de rugby, campo de fútbol, pistas de atletismo e un circuíto de carreira continua. En definitiva, todo o necesario para manterse en forma. 

O equipamento deportivo tamén ofrece a posibilidade de gozar dun inusual deporte, o tiro con arco. Nada mellor que o ar libre para emular a Robin Hood. 

A pesar do seu nome, o paseo fluvial en bicicleta non convida a se mergullar no río, senón a percorrer o seu leito no carril habilitado a tal efecto. Salamanca aposta polo desenvolvemento sustentábel, polo que habilitou camiños en bicicleta non só para pasear en tempos de ocio, senón como alternativa ao desprazamento motorizado. 

O paseo fluvial en bici foi recentemente ampliado e percorre a ribeira, en paralelo ao río Tormes. Unha das súas peculiaridades reside en que o trazado pasa por debaixo da ponte Eiffel.

Na cidade de Salamanca o visitante terá a oportunidade de gozar dunha das máis populares e recentes actividades para realizar en grupo: o Paintball ou guerra de pintura, unha actividade divertida na que só os máis estrategos conseguirán acabar con vida. Ou mellor dito, limpos de pintura. O xogo desenvólvese como unha guerra de guerrillas. O obxectivo: disparar e acertar certeiramente unha bola de pintura ao inimigo. Cómo logralo xa forma parte da estratexia de cada equipo. Porque no amor e na guerra, todo vale.

No campo La Fortaleza ou La Trinchera, a oferta é a mesma. Tres horas de inesgotábel diversión garantida desde algo máis de 19 euros por persoa, todo isto coas medidas máis estritas de seguridade, para que ningún incidente augue a festa. Petos protectores de peito, máscaras e buzos serán o uniforme de guerra nesta batalla sen cuartel.

En Torrecilla Paintball, dispoñen dunha parcela de máis de oito hectáreas con catro escenarios diferenciados: o Speedball, onde sempre gañan os máis rápidos, a trincheira e a fortaleza, que poden chegar a ser inexpugnábeis e o frondoso bosque. El 

Todas as partidas están supervisadas por un monitor que fai as veces de árbitro e que indica as regras dos distintos xogos que se realizan. As partidas duran entre 10 e 15 minutos dependendo do número de xogadores, o terreo e a súa habilidade. Entre partidas realízanse descansos para repor forzas, tomarse un refresco e recargar as marcadoras.

Os participantes contarán con marcadoras semiautomáticas Inferno, rápidas e letais.