O seu autor explica cales son os ingredientes empregados e como se combinaron. A clara está composta de xel de coco e a puntilla do ovo foi realizada con pasta Kataisy. A manga líquida en cápsula foi o ingrediente seleccionado para crear unha auténtica xema que ademais estoupa cando mollas "pan" e "patacas fritas". O pan, por suposto, de leite e con azucre, mentres que as patacas son de iuca frita azucrada. As salsas tampouco poden faltar nesta orixinal sobremesa: imitando a maionesa emprégase crema pasteleira, o ketchup está elaborado con coulis de framboesa mentres que a mostaza é salsa de melocotón.

Para o deseñador David Delfín foi unha experiencia moi gratificante, na súa opinión o resultado foi excepcional pola combinación de sabores e texturas da sobremesa da que se sente moi satisfeito.

Non é a primeira ocasión na que un deseñador de moda se atreve coa gastronomía. De feito figuras como Jesús del Pozo, Francis Montesinos, Amaya Arzuaga ou Hannibal Laguna xa fixeron as súas incursións na cociña e cociñeiros como Pedro Larumbe, Andrés Madrigal ou Sergio Arola tamén deron os seus primeiros pasos dentro do mundo da moda.

Unha importante colaboración entre deseñadores e cociñeiros tivo lugar na última edición da Pasarela Cibeles de Madrid, onde 39 cociñeiros en colaboración con outros tantos deseñadores se uniron no libro "Moda e gastronomía" que recolle as fotografías dos pratos que os cociñeiros elaboraron inspirándose nas diferentes coleccións de moda que se presentaron na Pasarela Cibeles.